| Titre: Église de Chaux-les-Châtillon, chapelle de la Vraie Croix |
| Ecrit par: Jean-Marie Thiébaud |
Église de Chaux-les-Châtillon, chapelle de la Vraie Croix (1498-1563) Les censes et rentes provenant de la chappelle Fondée en l'église Monsr Sainct Ligier de Chaulx soubz maiches1 en l'honneur de la vraye croix appartenant à messire Guillame de Queuve2, religieux de l'église et monastère Sainct Pierre de Luxeu3 Description des terres et rentes acquises par feu messire Jehan Dagney en la seignorie de Chastillon4 pour la fondation de la chappelle par luy fondée en l'église Monsr Sainct Ligier de Chaulx soubs maiche en l'honneur de la vraye croix. Et premièrement Les meix chesaulx cloz vergiers curtilz chenevières terre arrible et aultres choses acquises de Petit Jehan Drapelotz, Girard et Vuillemin Drappelotz ses enffants d'Orve les Belvoir5 pour le prix et somme de quattre vingt libvres est(evenantes) comme appert par les lectres d'acquisitions faictes et passées en date du dix neufvième jour de janvier de l'an mil cinq cens et deux reçues par J. Folpoy commenceant Nous Petit Jehan Drappelots, d'Orve, Girard et Vuillemin, fils dudit Petit Jehan, finissant Huguenin Choignard le Jeune de Corcelles6 et Vuillemin Bailletz, de Neufvye7 tesmoings adce appelés et especialement requis. Item les terres de Jehan Falotz le Vieulx de Fleurey8, et Jehan Fallotz le Jeune, frères, séans au territoire dud. Lieu et seignorie de Chastillon pour le prix et somme de quarante huict francs et demi comme appert par les lettres d'achat commenceans par Jehan Falots le Viez de Fleurey et Jehan Falotz le Jeune frères, et finissant par Jehan Gaulthier de la Ville Soubz le Mont9 et Huguenin Doby, de Corcelles, tesmoings adce appelés et requis en date du XXVe en febvrier l'an mil cinq cens et deux signé de C. Folpoy10. Item quarante cinq solz esteven(ants) de cense que luy doibvent chacun an Huguenin Nivel et Jehan Nivel son filz le jour d'une chacune feste Sainct Martin d'iver comme appert par les lettres d'acquisitions surce faictes et reçues par J. Dauxiron11. Item le chesaul prelz cloz curtilz chenevières et aultres héritaiges acquis de Girard et Pierre dict Villeret de Vauclusatte12 pour le prix et somme de quarante cinq francs comme appert par les lettres d'achat datées du tiers jour du mois d'aoust mil quattre cens nonante et neufz commenceans Nous Girard et Pierre dict Vuillerey et finissant Huguenin Eschappe de Sainct Ypolite et Huguenin Darsot de Montando(n)13 et du Recepveur de Bel lieu14, tesmoings et signés. C. Folpoy. Item les terres prelz cloz oiches curtilz chenevières que aultres héritaiges acquis de Jehan Peletier, de Vauclusatte15, et Pierre Chevoillet, son gendre, pour la somme de vingt et ung francs et demy comme appert par les lettres dud. achat en datte du quatrième jour du mois de may l'an mil cinq cens et ung commenceant Nous Jehan Peletier, de Vauclusatte, et Pierre Chevoillet et finissant Girard Sorcier dudit lieu et Nicolas Bourquenotz, de Fleurey, tesmoings adce appelés. Signé C. Folpoy. Item … deux pièces de terre acquises dudit Jehan Peletier pour le prix et somme de cinq francs quattre groz cinq engroingnes16 monnaie, comme appert par les lectres dud. achapt en datte du VIIe de may l'an mil cinq cens et douze commenceans Je Jehan Peletier, de Vauclusotte et finissant messire Hugues Doyen, pbre (prêtre), Pierre Lambert et Huguenin Vuilley, tesmoings adce appelés et Signé J. Dauxiron. Item les terres, cloux (clos), maisons, prelz, jardins et aultres héritaiges acquis de Guillame et Jehan Boichot, de Vauclusatte, frères, pour la somme de vingt francs comme appert par les lectres desd. acquisitions surce faictes en datte du XVIe en febvrier mil cinq cens et deux commenceant Nous Guillame et Jehan Boichot, et finissant Girard Virot et Didier Boiteux de Valeroilles17, tesmoings adce appelés et signées de C. Folpoy. Item les terres prelz cloux curtilz chenevières et aultres héritaiges acquis de Estienne et Jehan Peletier, de Vauclusatte, frères, pour la somme de douze libvres est(evenantes) comme appert par les lectres d'achat surce faictes en datte du premier jour de juing mil cinq cens et unze commenceant Nous Estienne et Jehan Peletier, de Vauclusotte, frères, et finissant Richard Grozgirard, de Charmoille18, et Jehan, son filz, tesmoings adce appelez. Signées par C. Folpoy. Item encore aultres terres acquises dudit Estienne Peletier manans de la seignorie de Chastillon pour la somme de sept francs deulx groz comme appert par les lectres d'achat surce faictes en datte du VIIe en may l'an mil cinq cens et douze commenceant Je Estienne Peletier et finissant messire Hugues Doyen, pbre (prêtre), Pierre Lambert et Huguenin Vielley, tesmoings adce appelez, signé J. Dauxiron. Item deux pièces de terre acquises de Nicole, vefve (veuve) de feu Petit Jehan Colard, de Court19, et Thiébauld Colard, filz de lad. Nicole pour la somme de seize frans comme appert par les lectres surce faictes en date du VIIe en apvril l'an mil cinq cens et treize commenceant Nous Nicole, vefve de feu Petit Jehan Colard, jadis de Court, et Thiébauld Colard, etc., et finissant Huguenin Vielley et Jehan Moingey, tesmoings adce appelez. Signé de J. Dauxiron. Item neuf faulx de prelz acquises de Henry Convert, de Provenchieres20, et Bietrix, sa femme, assis au territoire dud. lieu pour le prix et somme de XVI frans III groz demy comme appert par les lectres surce faictes en datte du tier jour de febvrier mil cinq cens et deux, commenceant Nous Henry Convert, de Provenchieres, et Bietrix, sa femme, etc., et finissant Jehan Boiteux, de Varoilles21, et Didier, son filz, tesmoings adce appelez. Signé de C. Folpoy. Item ung prel contenant environ une faul tant prel que cloux sis au finaige dud. Varoilles22 au lieu dit Dessoubz la fontainne Lambert acquis de Nicolas Boiteux dud. lieu pour sept frans neufz groz comme appert par les lectres d'acquisition surce faictes en date du dix septième jour en febvrier mil cinq cens et deux, commenceant Je Nicolas Boiteux de Vareroilles23, etc., et finissant Jaques de (blanc) [Sagey ?] escuyer demeurant aud. Chastillon tesmoings adce appelés, signé de C. Folpoy. Item une aultre pièce de terre contenant deux journaulx au territoire de Varereilles24 au lieu dit En Fresnoy, acquise dud. Nicolas Boiteux pour le prix et somme de quattre frans comme appert par les lectres d'achat en date du XXVIIe en mars l'an mil cinq cens et trois. Reçu et signé de C. Folpoy. Item trois pièces de terre tant prel que terres aribles acquises de Jehan Boichot le Jeune alias dit Neuschot, de Vauclusatte25, pour le prix et somme de douze frans comme appert par lectre surce faicte en datte du XIIe en mars mil cinq cens et trois, signé C. Folpoy. Item les terres acquises de Besançon Faivre, de Fleurey, estans au territoire dud. lieu pour le prix et somme de neufz frans comme appert par les lectres d'achat surce faictes en datte du XIIe en (papier déchiré) l'an mil cinq cens et trois laquelle terre led. Besançon a réacheté et rendu l'argent en vertu du réachat de les reufz frans (papier déchiré) à Jehan Purnelle, de Varroille26, comme les debvoit assigner. Item une pièce de terre arrible contenant environ ung journault et demy séant au territoire de Valeroille27 au lieu dit Au Boille, acquise de Estevenin Boiteux, dud. lieu, pour la somme de sept francs et neufz groz comme appert par les lectres surce faictes en datte du IIIe en febvrier mil cinq cens et trois. Signé par F. Ramey. Item deux pièces de terre tant prels que terres aribles acquis de Jehan Jeannot, de Vauclusatte28, pour le prix et somme de six frans trois groz huict engroingnes29, comme appert par lectres en datte IIe en febvrier l'an mil cinq cens et trois. Signé F. Ramel. Item une pièce de cloz size en la ville dud. Vauclusatte, touchant et estant appendue au chaseaul feu Jehan Grolloy, contenant environ le quart d'une faulx de prel, pour le prix de quatorze frans acquis de Jehan Gainnet, de Fleurey, et Girarde, sa femme, comme appert par lectres en date du XVIIe en mars mil cinq cens et quattre, commenceans Nous Jehan Gainnet, etc., et finissant Nicolas Chauvelier. Signé de J. Dauxiron. Item plusieurs pièces de terres acquises de feu Jehan Moingey, de La Ville soubz Le mont30, pour le prix de vingt neufz frans trois g(ros) comme appert par lectres d'achat surce faicte. Item la terre acquise de Pierre Lambert, de Vauclusatte31, pour la somme de trente frans comme appert par les lectres receues et signées de J. Dauxiron. Item quarante cinq sols est(evenants) dehu ung chacun an perpétuellement par Vuillemin et Jaques Colard, de Neufvye32, frères, et chascun deulx de cense payable au jour de feste Conception Nre (Notre) dame pour le prix et somme de quarante cinq libvres est(evenantes) assignées sur tous leurs prelz séans et gisans au finaige dud. Neufvie au lieu dit Au Vaulx de Purgey, au lieudit un prel de Rausse… et générallement sur tous leurs biens comme appert par les lectres de la constitution d'icelle cense reçue soubz le scel de Besançon par Claude Folpoy en datte du XIIe de febvrier l'an mil cinq cens quattre vingt XVIII (erreur : 1498) commençant Nous Official de la Cour de Besançon etc. et finissant Jehan de Manget, de (papier détruit) tesmoings adce appelés. Item trente sols est(evenants) de cense chacun an Par Jeune Jehan (papier détruit) de Varereille au jour de Feste Sainct Mar(tin d')hyvers et perpétuellement Pour le prix et somme de trente libvres Assignées sur deux pièces de prel contenant Environ sept faulx l(es d)eux, l'une assise es Mechelle et l'aultre En Montancy et Générallement sur tous leurs biens comme Appert par les lectres reçues par J. Dauxiron En datte du pénultième jour du mois de Janvier l'an mil cinq cens et quatorze Commenceant Nous Official de la Court de Besançon et finissant Jehan filz Richard Odrion [Oudrion], dud. Varereille, tesmoings Adcd appellés. Item cinq sols tournois de cense dehue par Estienne Girardey, de La Ville soubz le mont33, perpétuellement chacun an le jour de feste Sainct Martin d'hyvers pour le prix et somme de cinq francs comme appert par les lectres de constitution de cense reçues de J. Dauxiron. Item Pierre Petit, de Froidevaulx34, doibt cinq solz tournois de cense chacun an au jour de feste Sainct Martin d'hyver pour cinq francs qui do(papier détruit) assigné. S(ens)uyvent les censes dehues chacun an (à M)essire Guillaume de Queuve35 ch(apel)ain de la chapelle de la vray croix fondée en l'église de Chaulx les Chastillon36. Premièrement Jehan Crelerot, de Solemon37, me doibt chacun an à chacun jour de feste Sainct Martin d'hyver ung escus d'or au soleil pource. (paragraphe rayé avec, en marge, la mention : radiation pour ce que les Briot ont l'amodiation). Les Convert, de Provenchieres38, doibvent chacun an aud. jour dix groz forte monnaie pource. Guillaume du Cloz, de Neufvye39, doibt chacun an aud. jour trente groz monnaie forte pource. Dans la marge : Solvit pour 1562, 1563. Les hoirs Didier et Jehan Vallot, de Courcelles40, doibvent chacun an aud. jour six sols est(evenants) pource. Dans la marge : Radiation pour ce que m'a cédé la pièce pour quatre francs que luy doit délivrer Thomas Michoutey41. Estevenin Maig(nin), de Froideval42, doibt chacun an aud. jour neuf (so)ls esteven(ants) pource. Dans la marge : Solvit Marie femme Maignin, Girard et Claudot Maignin Jehannette femme Claudot Maignin, fils dudit Estevenin. Solvit Girard Maignin et Claude Magnyen en l'an mil 1562, en présance de Tho(mas M)ichoutey et Ligier Petit. Solvit la veuve de feu Claudot Magnyen le Vielx. Solviy en l'an 1562, 1563. Estienne et Jacquot Burthelier, de Varoilles43, doibvent chacun an aud. jour vingt groz fort de monnaie pource. En marge : Solvit en l'an 1562. Jehan Peletier dict Estallon, de Vauclusotte, doibt chacun an audit jour quatorze gros forte monnaie pour ce. En marge : Solvit 1562. Jehan Pelletier dict Faillon, dud. Vauclusotte, doibt chacun an audit jour XXIII sold este(venants) pource. En marge : Solvit 1562. Solvit 1563. Pierrot Lambert, dud. lieu, doibt chacun an vingt sept solz demy pource. En marge : Solvit 10 gros Jehan Boichot 1562. Guiod Lambert doit le reste. Solvit 1562. Jehan Billerey dict de Mortaut doibt chacun an aud. jour vingt sept sols esteven(ants) pource. En marge : Solvit par François Chevalier, gendre dudit Billerey. Jehan Caviron ( ?) doibt chacun an aud. jour trois sols et demy pource. En marge : Solvit 1562, 1563. Huguenin Gaillet et les hoirs feus Nicolas et Girard Gaillet chacun an aud. jour huict sols pource. En marge : Solvit Jehan Gaillet dict Grillon la moitié de la cense 1562. Solvit 1562. Pierre Gaillet dict Grillon doit IIII sols. Solvit (…) 1562). (Aul)res censes dehues chacun an (…) jour de feste Sainct George Jehan Boucon le Vieux et Jehan Boucon le Jeune doibvent chacun an aud. jour quarante Cinq solz pource.. Au terme Sainct Martin Les Briot, de Soulemont44, doivent chascung an III escus demy et douze libvres de fromage comme appert par admodiation pource. En marge : Solvit 1562. Des Bollay, de Soulemont, que doivent chascung an une quarte froment comme appert par admodiation pource. En marge : Solvit 1562, 1563. Du maire de Vauclusotte et le San… que doivent audict terme VI groz comme appert par admodiation pource. En marge : Solvit Claudot Loreilleuz trois gros pour le pré dessus le moulin 1562. Solvit en l'an 1562. Solvit ledit Loreilleuz III gros l'an 1563. Terme Sainct George De Pierre Froidevaulx, de Chaul45, que doit à feste Sainct George prochaine la somme de XVIII groz pour l'amodiation de la maison de Chaul. En marge : Solvit en l'an 1562. De Jehan Peletier dit Estal(on) qui doit III groz pour l'amodiation des prez appelés les mourayes dict Sus les Charbonières entre Jehan Boichoit [Boichot] d'une part et Jehan Pelletier dict Estallon d'aultre part contenant à une faulx, au terme de Sainct Martin. En marge : Solvit. 1 Chaux-les-Châtillon, Les Terres de Chaux (Doubs). L'église est placée sous le vocable de saint Ligier (Léger). 2 Guillaume de Coeuve, fils de Guillaume de Coeuve et de sa première épouse, Barbe de la Palud, fille de Claude de la Palud. Guillaume de Coeuve fut chapelain de la chapelle de la Vraie Croix en l'église de Chaux-les-Châtillon de 1540 à 1577 (Jean-Marie Thiébaud, « Les familles de Coeuve (XIIe-XVIe siècle) : essai généalogique », Société jurassienne d'émulation, Porrentruy, Suisse). 3 Luxeuil-les-Bains (Haute-Saône). 4 Châtillon-sous-Maîche, Les Terres de Chaux (Doubs). 5 Orve (Doubs). 6 Courcelles-les-Châtillon, Les Terres de Chaux (Doubs). 7 Neuvier, Les Terres de Chaux (Doubs). 8 Fleurey (Doubs). 9 Solemont (Doubs). 10 Folpoy, notaire de Saint-Hippolyte (Doubs). 11 Jean Dauxiron alias d'Auxiron, notaire de Valoreille (Doubs). 12 Vauclusotte (Doubs). 13 Montandon (Doubs). 14 Le Bélieu (Doubs). 15 Cf. supra n° 12. 16 Engrognes. 17 Valoreille (Doubs). 18 Charmoille (Doubs). 19 Cour-Saint-Maurice (Doubs). 20 Provenchère (Doubs). 21 Cf. supra n° 17. 22 Idem. 23 Idem. 24 Idem. 25 Vauclusotte (Doubs). 26 Valoreille (Doubs). 27 Idem. 28 Vauclusotte (Doubs). 29 cf. supra n° 16. 30 Solemont (Doubs). 31 Vauclusotte (Doubs). 32 Neuvier, Les Terres de Chaux (Doubs). 33 Solemont (Doubs). 34 Froidevaux (Doubs). 35 Guillaume de Coeuve. 36 Chaux-les-Châtillon, Les Terres de Chaux (Doubs). 37 Solemont (Doubs). 38 Provenchère (Doubs). 39 Neuvier, Les Terres de Chaux (Doubs). 40 Courcelles-les-Châtillon, Les Terres de Chaux (Doubs). 41 Thomas Michotey, de Belvoir (Doubs), écuyer, juge-châtelain de la seigneurie de Châtillon-sous-Maîche de 1541 à 1576 (Jean-Marie Thiébaud, Officiers seigneuriaux et anciennes familles de Franche-Comté, tome I, p. 130). 42 Froidevaux (Doubs). 43 Valoreille (Doubs). 44 Solemont (Doubs). 45 Chaux-les-Châtillon, Les Terres de Chaux (Doubs). |